Já. Það er kominn sunnudagur eins og stendur hér fyrir ofan. Og sunnudagar eru "ferðadagar" hér í Kárahnjúkum. Þ.e.a.s. EGILSSTAÐAFERÐ :-)/:-(
Það þykir voða næs hjá útlendingunum að komast til Egilsstaða. Annars höfum við rútubílstjórarnir hér komist að því að það algengustu ensku orðin hjá þessum blessuðu verkamönnum hér eru "my friend". Ef þeir þurfa að stoppa til dæmis við ESSO stöðina eða við "personal office" (skrifstofuna) segja þeir alltaf: "Could you stop here please MY FRIEND".Við erum sem sagt farnir að kalla hvorn annan my freind, við bílstjórarnir.
Fróðleik lokið.

Ble ble.

Þessa snilldar mynd er á síðunni hans Jóns Frímanns.
Síðan hans heitir skodun.com Þar er ýmislegt að finna.

En annars er allt gott að frétta bara. Ég er að bíða eftir að Sigrún hringi og segi mér að hún hafi ekki munað eftir bassanum mínum en hún ætlaði að koma með hann frá Hvammstanga með Ólu frænku sinni í kvöld. EN HVERJUM ER EKKI SAMA????

Munið eftir The Zetors

Bless á meðan.

Óveður..... eða nálægt því.

Það er skollinn á vetur hér við Kárahnjúka....... aftur. Hann kom skó um daginn fyrir ca hálfum mánuði og varð allt grátt hér uppfrá. "Það er varla hundi út sigandi" eins og sagt er. Það á að hvessa meira á morgun og snjóa meira líka en svo á þetta víst að ganga niður á miðvikudaginn. Ætli veðrið verði ekki orðið gott þegar ég legg af stað heim á fimmtudaginn. Kem á bifreiðaleigubifreið frá Kárahn. til Akureyrar. Gaman að því.

Hringja........ OF SEINT.

Ég var vakinn í nótt. Klukkan ca nákvæmlega 00:59 (samkvæmt nýja símanum mínum) hringdi engin önnur en Sigrún Dögg. Ég veit að ég á það til að hringja kannski um klukkan 10 eða 1/2 11 á kvöldin en ég hringi þó ekki klukkan 00:59. Var sko sofnaður um 11 leitið eftir að hafa talað við Helgu rétt fyrir 11. En svo hringir síminn eins og áður hefur komið fram. Og hver heldur þú að hafi verið í símanum? Sigrún Dögg að segja mér það að hún sé búin að ákveða að syngja eitthvað annað lag en eitthvað annað sem hún ætlaði að syngja en væri hætt við það núna. Hún hefði alveg getað sleppt þessu vegna þess að ég man ekkert af því sem hún sagði í nótt. Ég man reyndar að hún var að tala eitthvað um einhverja fiðlu. Þetta er árangurinn af því að hringja í mig svona seint. Sem betur fer er ég búinn þeim kosti (vil ég meina, Helga segir að það sé galli) að ég sofna oftast frekar fljótt aftur ef ég er vakinn. En það gerist samt mjög SJALDAN..... held ég.

ÉG á að keyra þetta í dag og næstu daga.


Þetta heitir Iveco Magirus Deutch Euro Cargo. Oftast kallaður Magaríus eða fangarútan.

Tæknilegar upplýsingar:
Vél - Deutch V8 loftkæld ca 10ccm. 242 hestöfl túrbínulaus. (Því miður)
Gírkassi - ??? en hann er 6 gíra, ósyncroniseraður þannig að það er ekkert gaman að skipta honum.
Drif - ??? en þau drífa.
Dekkjastærð - 1400x22" vetrardekk en 385/65 X 22,5 sumardekk.
Bremsur - ágætar.
Farþegafjöldi - 38 eða 39, man ekki hvort heldur er.

Annað var það ekki í bili.
Bless bless.

Ég var að fá mér annan GSM síma. Þessi er alveg þokkalega góður sko. Það sem er skemmtilegast við hann er MP3 spilarinn í honum.
Síminn heitir Sony Ericsson P900

Og fimmtudagurinn næsti er HEIMFERÐADAGUR. Þá er ég líka búinn að vera 26 daga á fjallinu í "beit" eins og sagt er.
Segjum það í bili.